姜丽文生B顺其自然：女人唔系生仔机器！

etin

艺人姜丽文（Lesley）昨午（28日）现身九龙塘一商场，为自己与品牌合作并有份参与设计的服饰宣传，有粉丝更即场购买十多套作支持。她高兴说：“入行14年，终于有自己生意，好开心。”她解释今次合作全因有爱：“我好锺意睇书行书店，有次喺书店见到佢哋嘅袜设计得好得意，爱上咗之后仲喺经社交网写咗封Fans信畀佢哋，后来仲做咗朋友成日倾偈，会同对方倾吓同家人相处嘅事。”

她指某日与对方谈到Love Language（源自一本书籍《爱之语》，当中谈及5种表达和感受情侣间爱的方式），双方便产生合作念头，她解释自从学会这5种方式后，与爸爸、老公及朋友之间的关系变得更好，今次就将这5种方式融入设计中：“我自己系属于‘肯定言语’，我好需要人赞，如果老公唔同我讲‘I love you’，或者‘你好靓’，我会谂佢系咪唔爱我，你见我都成日赞人，因为呢种系我表达爱嘅方式。”她指父亲秦沛很少开口赞人，但当他知道这件事后便经常赞她：“我唱歌唱得好会赞我，煮完饭畀佢食就会话好好食，至于我爸爸嘅方式系‘行动’，例如出面好冻佢会提我带多件衫，我咁大个人唔通唔知咩？但当我明白之后就知呢个系佢爱嘅方式。”

至于工作方面，她表示刚从日本拍摄回来：“去日本帮公司拍咗个节目，继续拍《爱‧回家之开心速递》，嚟紧9月会出新歌。（咁忙咪冇时间造人？）女人唔止系生仔机器嘛，仲有事业要发展㗎，哈哈！”她指一切顺其自然，不会刻意强求。