张栢芝出动开篷车送Quintus返学 又摸又拖大晒母子情

etin

女星张栢芝独力照顾3子，向来系圈中公认嘅好妈妈，早前佢就为拍送仔仔返学会迟到，特意清晨起身，仲趁机为仔仔煮埋早餐，够晒廿四孝。而近日佢继续风雨不改做“柴可夫”，昨日佢仲喺社交网大晒送12岁儿子Quintus返学嘅片段，片中见佢揸住开篷车接送仔仔，期间两母子有讲有笑，栢芝仲摸摸Quintus面珠兼十指紧扣，感情相当要好。另外，栢芝另一段片则提起大仔Lucus，指：“阿仔依家愈来愈多嘢学，佢话我终于明白长大成人嘅感觉，原来好多时间都唔够用，点样可以停顿啲时间？”栢芝则教导既然无法停顿时间，就要好好利用时间做啱嘅事。