高海宁化身山系女神 “爬”大金钟山顶超惊险

etin

艺人高海宁（高Ling）热爱户外活动，社交网不时分享郊游靓相。而前日（7日）佢就喺社交网贴出行山片段，见佢同几位朋友去咗西贡行山。高Ling仲戴上手套爬上陡峭嘅山路，挑战自己嘅体能，仲留言话：“坚爬㗎，唔系讲笑！我哋爬紧要用手爬嘅山。”而成功到埗嘅佢仲喺“大金钟山顶”打卡，笑得非常开心，又影咗唔少山下靓景留念，仲喺贴文写到：“秋游，原来今日系立秋。”而网民就纷纷留言话：“好叻女”、“下次着行山鞋好啲”、“又靓又可爱”、“恭喜你征服咗呢座山”、“手长脚长爬山有着数”。