港姐2022︱隐藏潜力股！海外佳丽陈瑞菱身材学历超晒班

etin

今届港姐质素平均，多位佳丽抢先跑出，包括星二代林卓锜、“爆炸头”徐麟、“翻版孙艺珍”梁超怡等，近日再有一位佳丽嘅社交网曝光，引起网民关注，发现原来系隐藏嘅潜力股，佢就系同梁超怡同属海外佳丽嘅3号陈瑞菱（Reina）。于英国管理学硕士一级荣誉生毕业嘅佢，首次面试已凭超班学历抢FO，私底下嘅佢同样形象健康，热爱户外活动之馀，又经常周游列国，学识渊博。而佢对自己身材管理要求甚高，见其身形Firm到爆，仲拥有结实腹肌，完美身段令人羡慕！对管理学甚有研究嘅佢，除咗以饮食Keep出好身材，原来都好靠先天遗传，事关佢呢日晒出同妈妈嘅合照，发现妈妈同样皮肤靓、身材好，难怪Reina咁得天独厚。