佘诗曼凑细路1打4冇难度 隐藏最佳保母！

etin

视后佘诗曼虽然贵为单身贵族，但唔知系咪身边太多妈妈级姊妹，令佢都耳濡目染训练有素，成为隐藏嘅凑细路高手，昨日佢喺社交网晒出新相，见佢一拖4，带住4个小妹妹出动，去Cafe食下午茶，丧影打卡靓相，即使1个对4个都完全冇难度，仲同一众妹妹打成一片。而向来保养得宜嘅佢，拍埋去一班妹妹度都冇乜违和感，似大姐姐多过Auntie，睇唔出年纪嘅差距！就连小妹妹嘅爸爸都亲自多谢阿佘：“两个女超级开心，多谢你的照顾”，认证佢系最佳保母！