蔡卓妍新发色Sharp醒有型 拍片暗示自己系双面人

etin

艺人蔡卓妍（阿Sa）与影帝刘青云主演嘅电影《神探大战》即将上映，阿Sa今次更为电影牺牲，惊现毁容Look，令唔少粉丝非常期待。而喺日前（16日）佢就喺社交网贴出影片，见佢为头发挑染咗新发色，黑中带紫，睇落Sharp醒有型！之后又见佢笑笑口，对住块镜左照右照，睇嚟相当满意呢个新造型。但下一秒，佢即变“黑面”，仲露出奸笑样，写到：“世上的人都有两面！”唔通阿Sa暗示自己系双面人？梗系唔系啦，佢只系为电影宣传咋！而网民就大赞阿Sa新Look可爱有型，仲话会去戏院见证佢精湛嘅演技！