黎诺懿强调从未确诊 胡定欣惊心急搵伴侣会物极必反

etin

艺人黎诺懿及胡定欣昨日出席无綫与紫荆文化集团签约仪式。诺懿出名是“广普教父”，普通话程度令人忍俊不禁，问到他可有信心成为双语艺人，日后返内地发展，他笑答：“大家点解唔信我呢？其实我喺内地有好大发展空间嘅，因为应该冇演员好似我咁，普通话咁差仍然不断喺度讲，我觉得自己直情可以横扫内地，堪称教父级！”

​他又坦承囝囝小春鸡普通话及英语都比自己说得好：“睇明珠台佢会帮我翻译。（的起心肝去学普通话？）要学都跟老婆学，佢都搞我唔掂，我怀疑自己有语言障碍。”定欣则打趣指没有诺懿般胆量，自爆早前接受内地平台40多分钟的普通话访问已感到很吃力，所以还要努力学习。

提到好友林盛斌（Bob）不断明言要为她物色笋盘，记者打趣是否觉得能找位能操流利普通话的男友比较合适，定欣爽快答：“呢个方法都唔错。Bob真系好紧张，差唔多每日都嚟关心我，我就同佢讲感情事唔好乱嚟、唔好太Chur，否则物极必反。（如果有啱嘅，你都会出嚟赴约？）我都系人啫，都系嗰句，最紧要合适。（你择偶有咩要求？）最好似Bob咁顾家，以及事业成功嘅稳重型。（外形似佢都得？）呢样嘢各花入各眼啫。”

另外，之前被传确诊的诺懿，再次澄清自己由始至终未有染疫：“我哋系有工作人员中招，但个几礼拜之前我哋已经复拍，所有人都已经冇事。”他认为艺人很被动，工作时不能戴口罩，只能做好防疫措施。