黄庭锋突然升呢男一 博到尽操肌 难挨戒口心急着番衫

etin

myTV SUPER踏入6周年，推出以玩弄财技为题材的原创剧《OPM》，首尝男一滋味的艺人黄庭锋，大赞首次合作对手汤洛雯有活力、爽朗兼搞笑，指她经常于拍摄现场讲笑话帮大家提神，和她合作完全零压力，可以舒服地以自己方式尽情发挥。黄庭锋坦言今次的男一来得突然，他说：“试镜时净系知要操肌同情感大爆发，同Lucas（姚宏远）都有除衫场口，所以操咗先，有日监制突然问我准备成点，话我应该系男主角，嗰刻真系呆咗，哈哈！”

挑战多重心理角色

​要演财技达人，多少也应有相关投资知识，但原来庭锋乃“稳阵派”，钱向来只放银行收息：“要有旧钱喺度我先安心，咁我都好舍得使喺食方面，我好锺意食。（为套剧要忍口？）系呀，要Keep住身形2、3个月，平时有做Gym，但呢种去到Fit嘅操练系另一样嘢，操之馀仲要控制饮食，油、盐全部要少，嗰排仲戒埋饭，放饭我就自备鸡蛋同白烚鸡肉，拍完头两场即刻问导演系咪完晒除衫场口，点知导演话仲有一场，问佢几时呀？佢答我‘未知’，哈哈。”黄庭锋主持过不同类型节目，亦有兴趣向演戏方向发展，最想挑战多重心理角色或动作片，埋身肉搏：“拍过打戏，但我系负责畀人打，都想试吓还手，哈哈！”