容祖儿借探班为名亲近刘青云 阿Sa呷晒醋：都唔系探我

etin

天后容祖儿（Joey）同好姊妹蔡卓妍（阿Sa）向来感情好好，近日阿Sa与刘青云合演嘅新戏《神探大战》即将上映，昨日阿Sa就大爆原来拍摄时Joey都有嚟探班，不过酒翁之意不在酒，因为Joey真正想探班嘅唔系阿Sa，而系偶像刘青云！阿Sa喺社交网甫出Joey探班片段，Joey一见到青云即时劲怕丑，面红红兼讲嘢口窒窒，佢甚至紧张到声称唔敢同青云合照，就连行近啲都心跳加速，超级天后秒变小粉丝。阿Sa仲呷晒醋咁话：“呢条友，呢世人探我两次班，虽然都系探我，但两次都系有刘青云。”又笑指：“我老友特登嚟探...青云哥班...口里说不身体却很诚实嘅容祖。”而Joey把口就话唔敢同青云合照，但阿Sa就踢爆：“影咗几张相喎...冇摆喺床头咩？”果然系真老友！