高海宁童心爆发谷新剧 一秒切换成熟性感风

etin

艺人高海宁（高Ling）担正嘅无綫新剧《童时爱上你》即将播出，更被指用作对撼ViuTV剧集《i.SWIM》，明显备受重用，虽然高Ling现时身在越南旅行，未能回港宣传，但佢喺社交网大晒旅行靓相，同时不忘为剧集造势，指自己真人似足剧中嘅8岁心智细路女角色“彤彤”：“我嘅性格真系有一部分好似彤彤，其实我都系个细路女嚟㗎，有片有真相，一饮到嘢成个人安乐晒。”见佢一有得玩即系High到爆，着上背心短裤嘅佢疯狂喺河边拍照打卡，真系成个细路女咁！

不过，身材一啲都唔“小儿科”嘅高Ling，要做番大人真系话都冇咁易，佢之后晒出另一辑着上黑色吊带背心嘅靓相，小露事业线，一秒变换成熟性感风，佢又笑言自己好似剧中一样，轻松切换大人同细路两个身份：“Amanda和彤彤mode，就是如此切换自如，更喜欢哪一个？”