陈豪被郭晋安扯口罩 帮拖讲好话：系友善嘅举动！

etin

艺人陈豪昨日（30日）出席电影《逃狱兄弟3》首映，见他手上贴了卡通胶布，更称之为爱心胶布，他说：“囡囡帮手关车门，但佢快得滞，整伤咗我，佢好内疚，差啲想喊，即时搵咗块胶布畀我，我同佢讲我冇事，真系甜到入心。（囡囡好黐你？）个个都黐，佢哋每个性格都唔一样，但三个都系我嘅天使。”

另外，提到之前郭晋安（安仔）跟他做访问时扯下他的口罩，安仔被网友狂轰无礼貌，他即为对方讲好话：“唔使闹佢，佢系友善嘅举动，而唔系敌对，加上我同安仔合作拍剧成为好友，大家当时访问冇戴口罩，所以佢都唔想我戴住口罩去见观众，我同安仔系好朋友。（你当时好尴尬？）冇尴尬，系有少少愕然，如果我介意佢扯开我个口罩，我就会戴番，但我都照除。”他解释现时疫情缓和，不介意除口罩，但要保持社交距离，但承认现时在家仍会戴口罩睡觉。

而陈豪在戏中饰演狱长，没有动作戏，拍得算舒服，问到多久冇拍电影？他坦言：“好耐冇拍，耐到唔记得，监狱电影系香港电影经典题材，之前导演搵我做狱长，我即时想起张耀扬，但佢想我演得有啲唔同，想我演一个斯文同正直嘅狱长。”