神级演技︱陈豪晒微表情称帝 17秒搞喊网友

etin

视帝陈豪人气高形象好，最近佢就联同老婆陈茵媺（Aimee）为网购平台拍广告，电影电影《逃狱兄弟3》又见到佢身影，百足咁多爪嘅佢，原来喺周二（17日）佢仲开咗个短片平台，连日上载咗3条片，即刻引嚟超过28万人Follow，其中一条片就已经冲破65万点击量！昨日系5月20日，喺“我爱你”呢个大日子佢就上载咗同老婆嘅合照同婚照等，认真Sweet爆；第1条片佢就宣布自己进驻平台。讲到佢最巴早闭，就一定系佢第2条上载嘅微表情演戏片，佢靠眼神做戏，由开头嘅Bling Bling眼神，到后面慢慢变得暗淡无光，短短17秒就足以搞喊网友，仲有好多人留言话睇咗条片几百次，次次都Touch到佢哋个心，仲大赞男神系神级演技，拍烂手掌。