黄宗泽期待大“蚝”客 谭俊彦新Menu再出发

etin

疫情打残饮食业，不少食肆“吊盐水”，昨日（14日）传来即将重开晚市堂食的好消息，一众星级老板都磨拳擦掌做足准备！谭俊彦的餐厅于短短2个月惨蚀逾10万元，如今终现曙光，身在内地工作的他说：“开番夜市当然好，但现时最紧要了解有咩条例，等我哋措施做得好啲，客人食都食得安心啲。”餐厅订位情况几好，他亦想尽快返港与客人见面：“我哋有个新厨师，又预备咗新Menu，不过根据呢2年经验，好多嘢都有变数，希望大家防疫措施做得好，千祈唔好松懈，唔系一阵又要闩番就好大件事！”至于黄宗泽经营的蚝吧上月一度停业一星期，被问有何部署，他说：“入定啲靓货、靓蚝，希望多啲人出番嚟消费、食饭，始终大家忍咗咁耐，估计头嗰几日会旺，依家又有消费券，希望多啲客人啦！”