惊闻失散母逝世20年 孙慧雪崩溃

etin

“宅男女神”孙慧雪跟母亲失联20年，一直希望有机会再跟对方见面。去年本以为有一丝曙光，可惜最后换来竟是母亲的墓碑相片，惊闻对方于失散当年已离世，母女缘尽今生！

自小因父母离异而跟母亲失散20年的孙慧雪，一直想尽办法寻亲，去年终有对方的消息，原以为可以母女重逢，但结果竟是母亲早已离世，令她当场崩溃！昨日她受访时表示：“旧年我因为疫情喺酒店隔离，失联多时嘅表弟透过社交网搵我，问我想唔想见番妈咪，之后就传咗张墓碑相畀我，我睇到嗰下真系崩溃咗！我一直以为妈咪因为搬屋而同我失联，好多时会谂，点解佢唔搵番我呢？我喺街上会唔会撞见佢呢？佢会唔会都有留意我拍戏呢？但点知……我真系好傻，点解一直会觉得妈咪仲喺世上，点解会谂得咁美好？仲谂会唔会有机会照顾佢，佢离世嘅时候系38岁，我知嘅时候亦系38岁。”

患心脏病　长期食药

阿雪坦言之后跟舅父去母亲的墓地拜祭，当时心情极之复杂及难过，幸有老公一直陪在身边安慰。问到知否母亲死因？她说：“唔系太清楚，应该系心脏麻痹。”早前她为方绍聪（奶仔）主持的J2台节目《野外步出》担任嘉宾，2人因拍剧结缘，情同姊弟，她除了跟对方提及母亲离世一事，更透露自己有心脏病，不适宜参与太激烈的运动，并需长期服食心脏病的药物，她说：“之前做身体检查，照心电图发现有心脏速跳，跳得好混乱，原来有条重要血管塞咗50%，因为我本身低血压同低胆固醇，医生一度以为畀错报告我，最后发现我有先天性血管收缩问题！虽然我不嬲好健康，但都有呢啲问题，要长期食药。”

​坚持攀山惊到震

虽然身体出现问题，但为了支持奶仔的节目，她坚持挑战难度：“佢邀请我上呢个节目时，我系好惊同担心！去到目的地，教练叫我去悬崖跟住条绳行上去，我当时好惊，但系愈拍愈顺，奶仔拍嘅时候比我更辛苦，因为佢身形重啲，同埋着短裤，擦到损晒。拍嘅时候，教练觉得我有天分，叫我挑战难少少嘅路，其中攀岩条路程有少少碰撞，首次玩唔够力有啲甩手，撞咗埋去岩石度，好彩冇事，最后顺利到达终点。玩完系好兴奋，之前惊咗几日，制作组同我讲，唔得可以say no，但应承得就要完成，所以顶硬上。”

阿雪母女缘尽，一班好姊妹蔡思贝、刘佩玥与赖慰玲均送上支持！思贝表示：“以我认识嘅阿雪好坚强，所以我相信佢会好乐观面对。总之有啲咩，都会有我哋呢啲朋友陪住佢过。”赖慰玲亦指好友性格乐观：“好有信心佢会正面面对所有事。”刘佩玥表示：“我相信佢会好好生活，希望大家身体健康，活在当下，爱惜自己同身边人。”