苏皓儿羡慕麦玲玲有38G身材：真系好有料！

etin

艺人苏皓儿（Chloe）与堪舆学家麦玲玲出席“东港城新春花市限定店”，提到麦玲玲被网友翻出旧相，大赞她样貌及38G身材几十年如一日，她说：“我10几岁就畀人以为30岁，但Bob（林盛斌）依家就以为我40出头，但我1967年出世，50几岁啦。（赞你身材劲？）我细个唔知成日畀人望住心口讲嘢，我本身又比较肥。”在旁Chloe即大感羡慕：“玲玲姐真系好有料。”玲玲即搞笑曲线赞埋自己：“人哋系女神，唔好拍埋一齐比，不过好少女艺人短头发都好睇。”

专注事业唔谂拍拖

身穿短裙晒长腿的Chloe，获麦玲玲批桃花运旺，而且年纪范围阔，比她小或大很多都得，她说：“我唔系好Feel到。（你锺意年纪大定细？）唔关年纪事，最紧要心智成熟少少。”她又谓现时冇拍拖，又冇人追：“可能要买啲花放喺桃花位。（有冇试过年纪大嘅人追？）又好似冇。”问到批Chloe会何时结婚生仔？麦玲玲就谓冇咁快，Chloe说：“我想30岁前先拍拖，我依家26岁。”记者即起哄，以为她谓30岁才结婚生仔，岂料是拍拖，她即尴尬说：“我想专注工作先。（唔可以同步进行？）玲玲姐话我出年事业好呀。”事业方面，麦玲玲批她牛年有贵人运，会有新尝试，Chloe即大呼好准：“我上年有听你讲，话我拍啲偏锋嘢，结果真系拍咗啲鬼片。”

批牛年喜事重重

讲到麦玲玲批中女星郑爽有桃花劫，获网友追捧，她说：“其实我上年都有批中赵丽颖会偷偷注册，仲有评唔同人，例如Angelababy同黄晓明两条蛇走埋一齐会难少少，会互咬。（预测佢哋会唔会离婚？）佢哋2条蛇难相处，系高风险嘅夫妻，要好辛苦经营。”问到现时可有工作大增？她说：“之前喺内地大半年，但依家要隔离21日，所以过完年先再睇吓个情况。”而问到娱乐圈牛年运程？她就谓喜事重重，会多生小朋友，而且会旺需要火的艺人。