“铁人”都会攰！冯盈盈边食边瞓觉

etin

前港姐冠军冯盈盈（FYY）备受无綫力捧，呢排喺电视机真系老是常出现，连续做咗几个大骚主持，分别系《万千星辉颁奖典礼2020》、《慈善星辉仁济夜》、《big big shop新春感谢祭》，仲未计本身佢又主持开《#后生仔倾吓偈》加埋剧集，堪称“新一代无綫爆骚王”！咁都未够，呢排FYY仲密密为无綫节目《天天开运王》开工，每日由朝拍到晚，虽然佢都系后生女，但铁人都有攰嘅时间！等埋位嘅佢，终于都忍唔住边食边瞓觉，仲要瞓到反白眼，要助手叫先识起身，但难得佢一叫就醒仲要扮冇事继续食嘢，佢自己都忍唔住感慨留言：“好似有过度活跃嘅我，都会有好耗尽嘅时候，呢几年都攰啦，我都会无电。”​