《坚离地》又再神预言！黄心颖：做乜都被人Unlike

etin

艺人黄心颖2019年因“偷食事件”被无綫雪藏，形象插水，至今仍然零工作，就算有份参演嘅戏集《坚离地爱坚离地》现正热播，但似乎未获网民原谅，人气不如从前。​继早前一集“冇得翻身”一语成谶后，心颖又爆多次讲“冇得翻身”，唔通真系戏如人生？其中一集，讲到饰演网红嘅佢被另一年轻网红整蛊，粗暴卸妆惨变花面猫，佢将计就计令网民同情自己，点知明恋佢嘅“传说哥”丁子朗将粉底泼向网红为佢出头，最终网民直指二人大恰细，搞到黄心颖嬲爆发泄喺丁子朗身上：“我好辛苦先挨到今时今日，啲新人喺后面系咁涌埋嚟，我已经顶得好辛苦，你仲要送我一程？依家出乜嘢post都被人unlike，老板话如果点击率再跌，随时跌出红人榜，我冇得翻身喇！”3年前嘅角色对白，好似变成佢依家嘅写照，唔知佢睇番有冇感同身受呢？