唔知冯盈盈密会西装男 郑衍峰自爆请食饭多过200餐

etin

无綫艺人郑衍峰昨日现身电视城，出席节目《港产旅行团》记者会。期间被追问绯闻女友冯盈盈约会西装男食贵价意大利菜一事，他轻松回应：“我都系入到嚟呢度先知，未有机会了解相关报道。咁朋友约食饭都好正常啫，我都会约其他女性朋友饭敍。（嗰餐饭食咗3,000蚊！）我谂咁多年我喺TVB canteen请佢食饭，加加埋埋都唔止呢个数啦，有200几餐㗎。”

同冯盈盈好少见！

他坦言近日盈盈忙拍《天天开运王》，所以双方甚少见面，各有各忙。当记者指称对生活得精彩，他即谓：“咁我都好精彩，拍完呢个节目都keep住行山，拍节目时又有戴祖仪同林颖彤呢啲靓女陪住，发现好多香港嘅隐世风景。（咁新年前会唔会约盈盈去买吓桃花、办吓年货？）哗，我哋已经好多桃花，唔使买喇！”

他又爆观众有眼福：“因为戴祖仪佢哋会带观众去酒店staycation，佢哋仲会浸浴。（你有冇露？）露咗一吓，但当时我唔系咁满意自己身形啰，肌肉量唔得。（惊唔惊盈盈食肥咗，带埋佢一齐去操弗？）呢方面佢好懒，不过冬天大家唔想做运动，明嘅。”​