阿感爆陈自瑶成日黑面 网友寸爆：消费前女友！

etin

《万千星辉颁奖典礼2020》早前圆满结束，最有话题性嘅一幕，绝对系王浩信夺视帝多谢太太陈自瑶（YoYo）时，但YoYo竟毫无表情，“黑面”一幕引起网民热议。而曾经同YoYo拍过拖嘅前无綫主持“阿感”黎国辉，近日以前男友角度探讨YoYo嘅黑面真相，佢表示对于YoYo黑面已见怪不怪：“我同佢一齐7年，佢Always都黑面，因为佢系处女座，（黑面）都唔系一件好奇怪嘅事。”另一位主持人梁梓禧（Roland）亦在旁附和：“我同佢沟通唔到，佢好处女座。”

之后阿感又以20年前旧爱身份分析：“我谂呢件事闹佢屋企人都唔得，要去到好大，关乎到佢嘅个人利益。因为处女座嘅关系，佢好着重安全感，如果你令佢完全失去信心同安全感，或者对你完全失望，我觉得就会咁嘅样。”不过好多网民对于阿感呢个抽水行为非常反感，纷纷留言：“分咗手咁耐仲要消费前女友”、“男人老狗肉酸到。”