张继聪搽指甲油戴耳环 谢安琪点睇？

etin

艺人张继聪近日受疫情影响，专心留在家中抗疫兼做凑仔公，向来系廿四孝爸爸嘅佢，早前为凼囡囡Karina开心，不惜“牺牲色相”，反串扮卡通片《怪兽公司》中嘅小女孩阿Boo，引起网民热议。见上次玩得咁开心，昨日Karina就同佢扮靓靓，帮佢搽指甲油整Gel甲。正当张继聪谂住满足完囡囡，可以静静鸡洗走啲指甲油嘅时候，竟然畀Karina发现，搞到要重新搽上指甲油兼戴埋耳环，难怪佢都忍唔住留言：“畀佢发现咗我偷偷洗甩咗啲指甲油，要油番…同埋依家要载埋耳环…第日如果可以出街，咁……”唔知老婆谢安琪见到佢咁嘅造型，系咪冇眼睇呢？​