榴梿太生点算？陈嘉佳用镬焗熟结果系…

etin

近日天气咁热，又系出动食榴梿嘅好时机，呢日艺人陈嘉佳（细细粒）喺社交网透露买咗个价值三百蚊嘅榴梿，打算同妈妈分甘同味，点知佢大呻“被人呃”，皆因生果档阿姐同佢讲返屋企就食得：“我用尽九牛二虎之力，点知都系生都开唔到！”

一般人都会选择再摆佢多几日先食，但点知细细粒竟然用一个创新方法，打算用慢火焗熟佢，点知搞到出烟，都系开唔到！结果梗系要用最原始嘅方法，用手开，虽然见佢中间都要用刀开，好彩搞咗好耐最后都开到，睇佢见到啲榴梿肉个样即刻笑晒，头先投诉过啲乜都应该唔记得啦！