何雁诗出碟烧银纸 父母做靠山随时课金

etin

歌手何雁诗入行至今转眼已11年，去年底约满离开星梦，推出独立歌手处女作《致有梦想的人》，她大爆妈咪是“幕后黑手”：“有日佢登入我个Email，听咗监制Cousin嘅呢首Demo，话好好听，讲咗句‘不如就做啦’，咁大个女喺事业上真系未听过妈咪嘅意见，好想喺佢生日送特别啲嘅礼物畀佢。”

相比当年派第一首歌，她直言更紧张：“筹备咗好耐，好着紧出面反应，本身仲计划去台湾拍MV，但因为疫情问题去唔到。”没有唱片公司护航，令她一夜长大，学会亲力亲为，最大意外收获是克服了最令她感尴尬的事，她笑说：“就系讲价！制作费超出三成，个价劈完再劈，嗰刻真系好想有唱片公司帮手。”

预计今年最少推出3首歌的她，大呻为做歌手变穷人，她指一首歌要投资6位数：“做多2、3首，个户口真系燶啦！”虽然父母愿课金，但她坚持穷得有骨气：“户口未去到净番‘鸡蛋’之前，唔会问佢哋借，咁大个女唔系仲要问屋企人攞钱呀？肉赤就一定，唔好话6位数，平时出去食饭多过五旧水都赤！”

至于郑俊弘有何支援？她指未婚夫赞她开朗了不少，不似以前多埋怨。她发娇嗔：“佢永远个反应都系‘好好喎！’有时会怨佢畀‘罐头’反应，但换转谂，有佢呢个正能量嘅人喺隔篱，令我充满信心。”​