浪漫示爱冧到爆！朱智贤：第一次畀咗奶仔

etin

艺人朱智贤（朱朱）与方绍聪（奶仔）日前在中环码头为无綫剧集《食脑丧B》开工，拍摄一场奶仔向朱朱示爱戏份，虽然出动鲜花及自弹自唱冧招，惟朱朱不为所动，还狠心“弹钟”拒爱。

求婚睇诚意

朱朱透露现实中未曾有男仔浪漫示爱：“如果男仔咁做真系冧㗎！自弹自唱好浪漫。（绯闻男友谢东闵都冇咁做？）冇遇过喎！基本上唔会多男仔咁做，呢个第一次畀咗奶仔！（如果他日有人咁做向你求婚会点？）要睇呢个人有冇诚意。（你暗示叫谢东闵咁做？）又唔系，哈哈！”更指剧中与翟威廉、黎振烨及奶仔分别有感情线，问到可有亲热戏？她笑说：“又冇喎！呢啲留番畀何广沛同江嘉敏啦！”

而奶仔则表示自弹自唱戏份难不到他，皆因以往不时与张彦博夹Band，问到现实中可曾向心仪女士凭歌寄意？他说：“试过母亲节喺屋企对住妈咪唱《月亮代表我的心》啰！依家又冇拍拖，以前拍拖我都唔太浪漫，因为我个人好哲学，女仔可能觉得闷，所以都系搵啲一齐锺意运动、行山同踩单车嘅对象咋！”