老婆暑假生！陈山聪听尽“女王”之笛等做爸爸

etin

艺人陈山聪在将军澳电视城出席剧集《十八年后的终极告白》记者会，早前宣布做爸爸的陈山聪终于公布太太Apple佗着儿子，预产期在暑假，计划听医生建议开刀进行分娩。


老婆冇走样　依然靓靓

在疫情下，陈山聪与太太尽量留在家中，问到太太佗B可有不舒服发脾气？他笑说：“佢又冇乜唔舒服，到依家都冇呕过，个样又冇乜点变，个鼻又冇大到，佢亦都冇乜发我脾气，可能除咗个肚大咗啲之外，其他身形都冇乜点变，咁佢条气都顺番啲，但系佢依家系屋企嘅女王，一声令下我就会去做，买餸、日常用品我搞掂。”

BB鼻高系靓仔

问到陈山聪会否追多个女儿？他说：“等B仔出世后再讲，自己都系新手牌，不过好彩身边有唔少好朋友，好似谭俊彦、陈敏之、胡诺言、郭政鸿都好有经验，畀咗唔少意见同介绍赞助商，等B仔将来有好多战利品，希望BB健康啦，之前都去照过BB个样，虽然还未成形，睇得唔清楚，但系个鼻都好高好长，医生话应该ok、靓仔嘅，可以放心。”

郭政鸿系契爷

至于契爷契妈名单，陈山聪笑说现时契爷已有三个，包括郭政鸿及两位圈外朋友，契妈则要物色一下。陈山聪又指非常期待剧集出街，因监制给了他一个月时间操弗，其他人生中最弗的时间，首场戏就要除衫骚肌赤裸上身对打。