汤怡搓面包练麒麟臂 苏丽珊恶搞麦包

etin

好多艺人留喺屋企避“炎”，靠做运动同钻研厨艺嚟打发时间，个个都就快变“厨神”！汤怡继整蛋糕失败之后，再接再厉炮制鸡尾包，由搓面团至入焗炉都落足心机，其后她将制成品相片上载，真系色香味俱全！

汤怡留言：“新鲜出炉鸡尾包，不过一出炉就冇晒喇，次次都唔够分。因为我手只得一对，用手搓真系几攰，所以一星期一次限量制作，下星期挑战我最爱嘅丹麦包。#誓要搓面包搓到手瓜起𦟌”。

同是靓女的苏丽珊就焗肠仔包，仲自创食谱“爆浆盐味朱古力麦包”，不过最后实验失败，虽然卖相一般，但好友江嘉敏力撑：“能否外卖到我家”？