【介绍番】《机场特警》何依婷点解咁迷人？

etin

《机场特警》最近热播，艺人何依婷喺剧中被杨明摸大髀，成为热话，顺带多咗人留意何依婷呢个女仔，其实何依婷系一个点样嘅女仔呢？

何依婷2017年选港姐，最后拎到亚军。佢细细个就好锺意睇电视，尤其是系睇港姐，会扮港姐喺张櫈度拎奖。可能佢因为生得太靓女，眼大大面尖尖，有网友质疑佢再加工过！不过，佢曾经喺节目晒出过童年照，见佢细细个就面尖尖，有冇加过工，就要大家自己判断喇！

之后佢加入咗《Think Big天地》，一开始佢好上心，想做得好好，但畀到小朋友好大压力，最后佢学识点同小朋友相处，就系畀佢哋自由发挥，自己慢慢融入佢哋，唔知将来佢系咪都系咁对自己小朋友呢？隔咗一段时间，佢加盟《学是学非》，喺入面佢得到启蒙，幕前演出更加放，佢仲跟前辈麦美恩学嘢，大赞对方好叻，仲话好锺意人呀！

剧集方面，《机场特警》系佢第一套正式演出嘅剧集，一幕被摸大髀，成为热话！其实佢之前都客串过剧集，好似《街坊财爷》嘅恶死新抱同埋《她。她。她的少女时代》做索爆校花，唔知大家有冇印象呢？

何依婷读书都唔差，佢考上香港城市大学商学院主修资讯系统学系环球商业系统管理课程，之后拎到奖学金，去过美国史丹福大学、英国利兹大学同埋中国上海复旦大学做交换生。但其实佢细个唔锺意读书，仲好锺意打机添，但去到中四时突然觉醒，觉得再唔读书就会冇大学读，之后佢发奋读书，点知考DSE前一晚，身体顶唔顺，个胃出现咗问题，去急症室等到五点，点知医生要佢打止呕针，但因为会有睡意，所以佢拒绝咗，最后佢冇治疗嘅情况下去考试，半边身处于冇知觉嘅状态，你都咪话唔辛苦！何依婷都好欣赏佢自己呢个特点，就系永不放弃喇！

2017港姐，佢发展系最顺利，冠军雷庄𠒇返咗加拿大发展，季军黄玮琦就返美国，日日玩狗。其他人好似伍乐怡、邱晴同埋胡美贻就拍吓《Think Big天地》、《3日2夜》。何依婷真系最有前途呀！