【提早排舞】預咗畀大家笑 劉德華：當入來睇93年演唱會

劉德華今日出席聯合國兒童基金「細路愛玩營」親子活動啟動禮，提到傷後復工拍戲，將客串由許鞍華（Ann）執導、鄭秀文（Sammi）主演的電影《花椒之味》，華仔透露戲中飾演Sammi的男友，至於有否激情戲？華仔說：「無㗎啦﹗但不可以一下拒絕，未知，不過阿Ann不會拍這些，若然李安搵我就可能擔心一點。」

華仔表示之後還要度期拍攝電影《掃毒2》，到7月底就全身投入綵排年底舉行的紅館演唱會。至於傷後能否回復當年大跳大唱、作高難度表演？他說：「點知呀﹗其實我現在已開始排舞，早點適應感受下先，始終體能停了一年，無做帶氧運動，動作難度高可能會影響，柔韌程度沒有以前那麼高，要由頭來過，就當入來睇1993年演唱會，畀大家笑我跳舞。」