【排隊攞獎理論】金像影后大熱 毛舜筠：大家覺得排到我

毛舜筠與凌文龍憑電影《黃金花》角逐今屆《金像獎》影后影帝，凌文龍更同時入圍最佳新演員提名。今晚兩人出席香港電影工作者總會春茗晚宴，對於被睇好成為影后，毛姐表示：「咁先有壓力，即係…大家因為覺得排隊應該排到我，因為要輪流，以年齡去計，同我差唔多大都攞咗，咁剩番覺得可能輪到佢，是否因為咁呢？哈哈﹗（覺得這個角色難唔難演？情緒起伏好大？）其實都難，是有些挑戰﹗阿仔（凌文龍）因為是第一部電影，所以提名最佳新演員，覺得他能攞到這個獎，是實至名歸的，但如果是最佳男主角，覺得是我剛才的理論，要排下隊﹗」

凌文龍笑言是首次獲提名角逐影帝，所以不懂得緊張，能有雙提名已很滿足，因無想過攞獎而無壓力，他個人最希望媽媽（毛舜筠）攞影后。