單拖外遊有艷遇！劉美君要求高：佢唔夠靚仔

歌手劉美君（Prudence）出席「Now TV x ViuTV 2018 FIFA世界盃」啟動禮，她表示自己剛從英國旅遊返港，因父親去年十月底在美國病逝，心情一直都未平伏，所以完成工作後便趁農曆新年到英國散心。

Prudence在當地逗留了16日，問她是否單拖去玩？她坦言：「係呀，自己去囉，唔使就呢個就嗰個，去睇吓話劇好自在。」問到有冇艷遇？Prudence笑言：「咁梗有嘅，夠高但唔夠靚仔。（要靚仔先得？）係呀，要靚仔又要身型Fit，咁佢唔肉酸、只係唔夠靚仔。」問她回復單身是否即刻多了裙下之臣來追求？Prudence開心地說：「唔敢咁講，但都係有嘅。（圈外人？）好少同圈中人拍拖，依家都係約會吓，未有拖拍住。」