友情價做祥仔嘉賓 關菊英：我哋唔講呢啲

藝人關菊英今日到天水圍出席敬老活動，佢表示早前到美國度新歲，順道探望親友：「返嚟香港有時差問題，好彩抖咗2、3日就冇事。」放完長假叉足電嘅佢，之後將忙於排練舞台劇。

此外，關菊英與李司棋將擔任阮兆祥（祥仔）等人嘅《福祿壽十周年演唱會》嘉賓，佢透露祥仔親自打電話邀請佢哋：「祥仔喺劇中做我細佬，又做過我老公。佢打嚟話想大細契幫手做嘉賓，我見檔期ok就應承咗。（收友情價做嘉賓？）我哋唔講呢啲啦！」