爆婚訊？楊明37歲生日 莊思明：好事成雙

藝人楊明同女友莊思明向來恩愛，經常孖公仔現身，近年仲屢傳好事近添！今日適逢係楊明嘅37歲生日，莊思明當然細心準備為男友慶生，事後喺網上開心Share，仲表示「好事成雙」，莫非有好消息要公布？

莊思明上載咗多張慶生照，見到佢哋出街食飯慶祝，實行過二人世界，壽星仔楊明仲係咁切蛋糕吹蠟燭，原來「好事成雙」係指佢一晚切咗兩個蛋糕咋！兩人仲攬到實一實合照，放閃無極限，Sweet到爆！

莊思明深情留言：「Happy Birthday my love！祝你以後每一個生日都開開心心，最緊要身體健康，希望你喜歡我為你送上的小驚喜。簡簡單單都可以很快樂，Love you！」唔少網民都有留言送上生日祝福，仲話希望盡快聽到佢哋嘅好消息，加油呀！