拍劇開真槍！陳庭欣勁驚：啲彈殼彈埋嚟

藝人陳庭欣帶同自己親自設計、印有其中一隻飼養的鸚鵡利是封，出席《新春開運迎豐年》節目，她說：「其實我諗咗好多年自己設計利是封，到我今年諗住真正設計又有啲遲，所以我只可以為我三隻鸚鵡其中一隻設計利是封。」

提到早前到菲律賓拍攝新劇《兄弟》外景，她表示自己的戲份不算辛苦：「我都有一場大型嘅槍戰同打，嗰日碌吓地下碌吓樓梯，慶幸只係撞瘀吓，都係膝頭。」她又謂今次首次開真槍：「嗰吓都幾驚，見到彈殼彈埋嚟，嗰吓反應就係合埋眼，所以我好佩服楊明、伍允龍，佢哋開槍好定，佢哋話呢啲係練番嚟。」

陳庭欣又謂自己酒店的房間與劉穎鏇及江嘉敏的房間打通，令每晚歡笑聲不絕，她笑說：「佢哋好嘈，有一晚停電十幾秒，江嘉敏已經嗌到癲咗，我以為世界末日。不過多咗兩個小妹妹會熱鬧好多。」