練肌肉做打女？宣萱專注健身唔溝仔

藝人宣萱帶同愛犬到赤柱出席做掌上壓的慈善活動，她表示從來都未有想過自己成功做掌上壓：「我同我教練講要用單手做掌上壓，佢都話唔使諗，話教練都做唔到，我一定做唔到，我試完都手震。」她表示維持做運動的習慣已有三年多：「唔會好定時，開工就做唔到，如果唔使開工就一個星期做兩次。細過冇諗過做到掌上壓，但keep住做就覺得好容易。（身體好咗？）我教練話練到肌肉，跌倒都唔會咁傷。」

靠健身改善體質

問到有沒有於健身室尋找合適對象？她笑說：「唔好玩啦！我唔做呢啲嘢，我好集中、好專注做運動。之前都試過孭住55公斤重嘅嘢做運動，其實幾大滿足感，但第一堂練，教練話要幫我叫救護車，佢話我面青口唇白。可能因為拍劇辛苦同太多年冇做運動，做到依家有明顯改善，要保持落去。」

被指似打女

宣萱謂化妝師見她後，指她的肌肉有如打女一樣，故她會叫教練幫她修一修。問到會否有電影公司找她演出打女？她說：「個樣似啫！（有冇興趣？）辛苦係一件事，但我唔夠敏捷，費事打傷人。」