老公秘密咩都知晒！岑麗香最信強強

藝人岑麗香出席無綫劇集《翠華餐廳五十周年呈獻：溏心風暴3》之「溏心侍應大激鬥」活動，不諳中文的她於玩遊戲抽食物紙牌時慢半拍，事後笑指茶餐廳餐牌僅識一半，需要時間慢慢學。

對於好友王君馨指心理會找老公填空虛窿窿，香香謂：「最緊要搵到個信得過嘅人支持，其實做乜都好，要調節好心情，我就會做運動、畫畫同整嘢食，成功做到就會好有滿足感，我同老公就不嬲都有傾偈，另一半最好係朋友咁，有咩就講出嚟，佢唔會質疑我，令我好大安全感。」

問到若現時仍有人追求會否告訴老公？香香自言已沒有人追，但與老公沒有秘密，她謂：「我好鍾意分享（老公會唔會有秘密你唔知？）應該冇，佢所有嘢我都知晒！」