咁大膽？黎耀祥選擇性失憶忘記結婚周年

視帝黎耀祥與田蕊妮出席「高錕慈善基金」聖誕慈善活動揭幕禮，談及腦退化話題時，祥仔對於腦退化症狀，自言也有中幾項：「所以要做多啲呢方面慈善活動，捐多啲錢，好似供保險咁，到時分分鐘標尾會，可能用得最多係自己。」更笑指最想忘記交電話費及卡數，奈何過期會被銀行罰息，故已使用自動轉賬繳款，問到可會忘記結婚紀念日？祥仔笑言會選擇性失憶。