【咀到彎腰】2年後考慮造人大計 林奕匡：希望先仔後女

唱作歌手林奕匡（Phil）與前無綫財經主播李靄璣（Rikko），結束10年愛情長跑，他們在Phil大學UBC校園內一間逾百年歷史古宅舉行婚禮，邀請約80位親朋好友出席，包括樂隊Dear Jane主音黃天翱（Tim）、組合Robynn & Kendy、馮允謙、黃美棋及男友鍾健威等，一對新人情深咀嘴，更咀到彎腰，認真甜蜜。

Phil自言是非傳統的人，但今次婚禮也做足傳統儀式，包括向長輩斟茶，他自爆在婚禮中多次感動落淚：「當我哋遞茶，叫聲爸爸媽媽，嗰一下好感動，咁多年嚟佢哋都當我係親戚一部份，今次係officially向佢哋表示敬意，嗰一下真係無得唔喊。」新娘Rikko表示由斟茶開始，便感動落淚，幾乎喊足全程，更笑言「喊到豬頭咁」！

談到造人大計，Phil表示未準備好，過2年後才考慮，但他笑言希望先仔後女：「因為哥哥會照顧妹妹，但姐姐照顧細佬，會變成縱個細佬，不過呢啲無得控制，哈哈！」Phil笑言準爹哋Tim沒有特別教他「造人秘技」，但就叫他「趁嫩生」！