廣州個唱加場 門票遭「秒殺」 鄭秀文high爆

admin

鄭秀文（Sammi）今年喺世界各地舉行巡迴演唱， 而Sammi將於8月8日舉行《TOUCH MI世界巡迴演唱會─廣州站》，門票日前預售後即被秒殺，全部售罄，講到個唱門票大賣，部份歌迷喺網上留言：「還沒來得及搶就沒了。」為咗答謝粉絲厚愛，主辦單位決定喺8月7日加開一場，今日再喺網上預售，唔夠五分鐘已被搶購一空，認真厲害。
Sammi現正身在巴黎拍戲，佢當然關心廣州個唱加場情況，當佢知道加場門票遭「秒殺」後，表現雀躍，Sammi表示多謝大家支持。