【結束8年情】鍾嘉欣狠甩奀星男友 伍允龍捱足8年冇發圍

etin

現年32歲嘅鍾嘉欣同奀星男友伍允龍拍拖8年，不過先後同陳展鵬及教友彭紀諺傳出緋聞，但嘉欣BB一直情歸伍允龍。

今日有周刊指，上年10月嘉欣BB見男友有份擔正做電影男主角，即高調撐場出席電影首映，疑被大台一度送入「雪櫃」，最終嘉欣BB喺今年年初，同伍允龍提出分手兼達成協議，雙方唔會向外界宣佈分手，上月出席活動，嘉欣BB就話佢冇男友，只係得朋友，暗示佢已回復單身。

嘉欣BB一出道就被大台力棒成為當家花旦，相比男友伍允龍只係做武術指導，喺圈中確係女尊男卑，當年係因為拍《十分愛》而暗交，據知伍允龍為謝霆鋒嘅詠春師傅，霆鋒私下會叫嘉欣BB做師母。

據報道講，嘉欣BB同伍允龍拍拖嗰陣，女方家人都好反對，亦被公司高層詐型，擔心嘉欣BB嘅事業受伍允龍拖累，搞到一對小戀人承受好大壓力，雖然感情事二人都愛得低調，前年嘉欣BB首次開個唱，嘉欣BB傳忽然喺未通知公司下，叫男友伍允龍捧場，搞到公司高層唔高興，以嘉欣BB生肖唔啱喺馬年出碟為由，冇再幫嘉欣BB出碟，改捧吳若希，早前伍允龍有機會擔正電影《天師鬥殭屍》，嘉欣BB竟然高調去捧場，再次激嬲老闆，最終嘉欣BB入咗「雪櫃」，由女主角變成客串演出。

據知，飽受壓力嘅嘉欣BB近日好易脾氣暴躁，有傳佢喺伍允龍生日P，因為玩蛋糕忌廉而發晒脾氣，咁又係嘅，嘉欣BB都年紀唔細，等咗男友咁耐，佢喺圈中都未有發圍，先選擇喺今年2月伍允龍結束8年情。