【亞視傳月底執笠】劉錫賢斥王征：佢真係玩嘢，玩得好緊要！

admin

今日內地《財新網》指，主要投資者王征接受訪問時，表示家族內部不再支持亞視，但最後一名白武士亦於上周六正式拒絕出資拯救亞視，王征決定放棄最後「掙扎」，意味著有58年歷史的亞洲電視可能將於本月底關閉。

對於亞視隨時可能倒閉一事，「台柱」劉錫賢今日《蘋果》接受電話訪問，他說：「咁真係冇辦法，我都唔知點樣答你。」在電話忍不住慨嘆一聲後，劉錫賢續言：「佢(王征)真係玩嘢，玩得好緊要，現時未知佢會點樣，佢都係真係要做咗件事(倒閉)先，我先可能做任何嘢，因為藝人比較被動。」

問起早前曾有白武士出手，不過現時最後一個白武士都拒絕出資拯救亞視，會唔會感到可惜，劉錫賢表示：「當然會，根本一直以嚟大家都知係佢嘅問題，佢一直拒絕，唔係白武士拒絕，最大係佢嘅問題，佢一直唔肯放口，最後就係冇囉!」

劉錫賢覺得藝員好大機會被「流放」，他暫時未有為去向作出打算，還是看事態發展，會否如王征所講的情況下發生，視乎是否如早前所講，亞視清盤後，由政府接管再賣盤，或許是另一個重新。