江若琳举行粉丝专属场 Chill住还清歌债

etin

歌手江若琳（Elanne）近日在社交网分享Fans Club活动情况，虽然只是“自己友”共聚，但规模媲美迷你音乐会。见逼满粉丝的露天场地除有舞台外，有5位Live Band乐手参与演出，她更由天光唱到天黑，最贴心是设有小食亭，无惧睇骚时会肚饿，粉丝有歌听、有得玩又有得食，兼可饱览宜人的西贡景色，可谓一次过多重享受。Elanne接受访问时表示每年都会举行歌迷聚会，但去年举行完个人演唱会后，有粉丝就“投诉”：“话我喺骚上，有好多佢哋锺意嘅歌都冇唱到，就提议不如喺Fans Club聚会上补唱番畀佢哋听，所以就有呢个歌迷专属场音乐会嘅出现。”她又感动粉丝为聚会花尽心思，知道她家在西贡，就在附近物色理想场地，尤其露天场是她最大惊喜：“喺呢度开骚，感觉真系好Chill，我啱啱出咗新歌，有好多赞助商支持，可以提供美食畀我哋。”又指看见不少由细跟随到她大的熟悉面孔时，内心就特别感动，又说：“佢哋带埋屋企人嚟，有啲真系支持咗我20年，呢次聚会简直系颠覆咗我对Fans Meet嘅新高度，希望嗰日佢哋同我一样，可以有个美好嘅回忆啦。”