周柏豪独撑几头家 月使6位数

etin

现年41岁的周柏豪近年在内地发展，虽然要养3头住家，每月开支达6位数字，还加埋一身长远的“儿女债”，但他不愿减工作量，坦言现时是最幸福的时刻。柏豪婚后成为绯闻“绝缘体”，在内地工作期间，食饭时间也要盯实家中的闭路电视，被赞是现实版“多功能老公”。入行18年的型男周柏豪刚完成了整整横跨一年的《CHAPTER IV》粉丝见面会巡演，近年多于内地工作的他，将于3月在启德体艺馆举行全新巡回见面会，是他相隔7年再度回到香港开骚。推出新歌《时辰未到》的他接受专访，谈到早前戴住呼吸仪器在长沙赶拍综艺节目《披荆斩棘的哥哥5》，令粉丝肉痛又担心，他表示只属闲事，更向粉丝大派定心丸说：“其实几年就一大病，上年10月嗰次就‘甘’啲，连声都冇埋，睇咗专科、食咗药就冇事。声带好似肌肉咁要操，畀多啲挫败感佢，自己修复好就再劲啲。”他戏言久病成医，开工有药袋傍身，笑言可当“医生”：“自己医自己嗰种。”

问可有考虑减低工作量，他即耍手拧头说“唔好啦”，自认天生辛苦命：“我呢个人一静落嚟就好多奇怪事，病系因为休息，我去个短途旅行，声带出事又鼻敏感，不过我意志力好强，做嘢时就算唔舒服都顶得住。”又指经历4年疫情闲在家中，格外珍惜现时于工作中觅得自我价值。育有一子一女的柏豪是家中经济支柱，虽然近年工作密麻麻，但他不讳言“周身债”，一个人负责一家四口、父母及外父外母的生活及保险费，还有一堆长远的“儿女债”，他说：“仔女啲基金、保险、学费要供到佢哋18岁喎！又再攞笔钱出嚟畀佢哋读书。（每月开支要10几万？）一定要先可以经营到个家。（一个人养3头家得唔得㗎？）照顾到家人好开心、好满足，依家系最幸福嘅状态。”

多年前柏豪在无綫剧集《多功能老婆》饰演暖男Oppa深得观众欢心，现时则获赞为现实版“多功能老公”，他自嘲更似“紧张爸爸”，每日宁愿挨眼瞓也要亲自接送仔女返学、放学：“唔想佢哋觉得爸爸只系个司机，虽然我系艺人，但喺学校门口照派心畀佢哋。就算我喺内地做嘢，抱住个饭盒都系睇住屋企部9格‘老闭’（闭路电视），想知佢哋做紧乜，陪伴重要过畀物质。”问是否重女轻男，他虽口说仔女一样爱锡，但早熟的囡囡令他相当头痛：“囡囡5岁咋！落公园玩都扮到好靓，小背心、头发放埋一半。（阿女要拍拖点算？）最好唔好啦！佢30岁唔拍拖都冇问题。（阿女始终要嫁人。）跟埋去啰！如果佢要嫁去非洲都冇法，佢肯讲畀我听都要多谢佢。（畀晒啲钱个女傍身？）我会将啲钱畀晒个仔，畀晒个女咪即系益咗人（女婿）。”柏豪婚前曾跟师妹连诗雅、锺浠文、薛凯琪及何超莲传绯闻，婚后旋即变“绝缘体”，他觉得跟“妻管严”无关：“全世界都知我结咗婚、有仔女喎！同埋我要早起送返学，唔得闲夜蒲，就算应酬都唔可以太夜。”