朱敏瀚争视帝未打先输 叫绯闻女友陈晓华继续努力

etin

艺人朱敏瀚昨日（24日）出席《万千星辉颁奖典礼2025》记者会，凭剧集《痞子无间道》、《虚拟情人》入围“最佳男主角”，而《奔跑吧！勇敢的女人们》则入围“最佳男配角”提名的他，台上除了替自己拉票，亦替同剧拍档陈滢、吴若希、王敏奕及绯闻女友陈晓华拉票，不过似乎有点“大细超”，只叫陈晓华（Hera）要多谢公司和继续努力。朱敏瀚受访时表示之前拍下的剧集，全被安排于今年初播出，他説：“但大家都好似冇乜印象，因为年头播晒，但开心嘅，播出嘅剧集都有提名，其实我特别锺意男配角嘅角色，我谂住嗰个系提名男主角，点知系男配。”他笑指分开参战也也有好处，因男主角奖还有张振朗和罗子溢等强劲对手，谈到他对男主奖似乎未打先输，他笑谓：“男主角？未打都预咗自己输，我宁愿年年都有得提名男主角，每一年都有作品，更开心！（剧安排年头播晒蚀底？）冇话唔底嘅，依家可以重温，我亦唔系为奖拍剧。”

谈到他台上只叫获“最佳女主角”和“最佳女配角”提名的绯闻女友陈晓华继续努力，他説：“佢梗系要继续努力，要作出个好鼓励先。（唔睇好佢？）佢啲对手有阿佘，我自己都有睇《新闻女王2》，阿佘非常卓越，我自己都睇好佢，Hera都好好，如果有‘再飞跃进步女艺员’可以再攞，今年佢都有好多唔同作品见大家，而且每部作品都有好悦目嘅表现，好大嘅进步。（会投佢票？）有3票嘛，会投畀佢。”提到视帝马国明与罗子溢亦有份角逐男配角奖，朱敏瀚説：“马国明又嚟争！？子溢专心争男主角啦，我觉得男配角系有机会嘅，马国明喺《新闻女王2》第一集就死咗，若果死咗都攞到抵佢攞啦，佢都攞惯啦，让吓啲后辈！”