罗子溢奸到出汁获赞有深度 感谢观众支持

etin

无綫台庆剧《金式森林》近日的焦点一定落在高深（罗子溢饰）身上，因为家族信托问题，方仰天（郭晋安饰）与三名儿子学礼（何广沛饰）、学勤（陈浚霆饰）和学贤（罗天宇饰）闹上法庭；与学礼学勤代表律师应华龙（许家杰饰）庭上针锋相对，句句有骨，网民对罗子溢好评如潮，大赞他有型靓仔，及角色是找对了赛道，赞他时奸时好的演技很有深度。到角色大受欢迎，子溢受访时一如既往的谦虚：“真系要多谢观众锺意呢个角色，亦都多谢监制、编剧将高深人设写得咁好。其实有好多对白都系佢哋精心去编出嚟，本身啲对白已经赋予到我Energy。”他分享自己不会死记对白的秘诀，讲对白若过于演绎便不自然，亦会在适当时候自度对白及立体化：“我上佢哋公司送医疗报告嗰度，佢（应华龙）一嚟就话：‘你拎啲垃圾嚟做咩？’我就回佢一句：‘你就垃圾！讲笑讲笑...’呢个其实我即场反应嚟，我主要根据自己嘅角色、场景、同应华龙当时嘅心情去消化佢句对白，再即时畀个反应出嚟。”
子溢谦称只要够了解角色及场口，就会有“突如其来嘅神来之笔”。网民留意他的微表情都超级丰富到位，问子溢是否在微表情上下了不少功夫？他笑言：“我觉得做嘅时候最紧要似番一个人，人哋讲对白时，就算你冇对白、个表情上都会回应对方，前题都系要将成件事消化得好好先，了解自己、对手、对白及场口。”他直言自当了爸爸后，有所改变，“除咗做父亲之外，其实自己都成长咗，或者经历多咗，冇以前嗰一股冲劲、急躁，变咗慢条斯理咗，人定咗好多，咁样无论讲对白或者做反应，会做得细致好多…以前可能会好急住讲自己嘅对白，但系依家讲对白之前会消化咗先，又唔会一轮嘴咁讲，会有自己角色设计嘅节奏。有时唔急，反而会好自然就流露咗一啲微表情出嚟。”