陈自瑶爆13岁女儿同自己一样高 预告工作有新方向

etin

艺人陈自瑶（YoYo）昨日（30日）以黑色露肩连身裤上阵出席电子产品发布会，她表示自己及13岁女儿也经常用到电子产品，问到会否制限女儿使用时间？她坦言：“刚开始嘅时候会，因为怕佢用太长时间会伤眼，但就连学校都要佢用电脑去做功课，咁就冇得限制，只可以买啲唔伤眼嘅电子产品。（惊唔惊佢上网乱识朋友？）我个电话同佢个电话系有连接，我会知佢大概上过咩网站，而且我有follow佢嘅社交帐号，不过囡囡已经到咗青春期，同我一样咁高，之前仲畀人以为我哋系两姐妹，所以好多嘢都冇得限制佢，只能向佢灌输正确知识，好似朋友咁沟通。”

另外，讲到早前她与杨茜尧在访问中互送生日祝福，当YoYo祝对方“继续老公锡晒”时，杨茜尧本想以同一句祝福回敬对方，但却突然“口窒”，改以“囡囡晒锡”又指对方“阴她”，YoYo更笑言要剪走相关片段，即时引来网民揣测YoYo跟丈夫王浩信是否关系生变，YoYo指当日大家都很开心，强调：“其实冇嘢，冇乜特别，都揣测咗好耐，所以我唔会讲咁多，向来唔想回覆咁多。（叫杨茜尧下次小心讲嘢？）冇，冇嘢嘅。（会唔会行动证明同老老冇嘢？）唔回应喇！”至于早前YoYo在社交网晒出凌晨时分在直播结束后倦极坐在地上吃面包医肚的片段，她笑言片段播出后，现在不用吃包，改为吃粥：“其实做直播带货真系好用脑，系精气神嘅挑战，随时一做就要4、5个钟。”又指最近忙拍剧及直播而在不同内地城巿穿梭，虽然很累，但开心可以挑战不同范畴，并预告将有工作新方向。