宣萱转性再闯情关：“一定会遇啱” 拍拖遭挑机收男友床照

etin

入行30多年的宣萱凭着过往的经历一步一步走来，性格上已抹去冲动，工作上待人处事的转变明显，爱情亦然！多次经历感情失败的她，试过接获陌生者传来男友的床照挑机，依然能够冷静应对，更扬言至今对感情生活依然有憧憬，但不强求婚姻。艺人宣萱近日在无綫热播剧《巨塔之后》扮演一名冷酷型格的心胸肺外科医生，与上司锺镇涛结婚当晚，发现对方的手机上出现暧昧短讯，原来现实生活中她亦有类似遭遇：“收到陌生人传嚟嘅一张相，我当时嘅男友同另外两位女生喺张床上！”近年她学懂“冷静的重要性”，当时拍醒身旁的另一半问清楚：“其实一睇已经知系旧相，因为相里面佢比较瘦，后来肥咗啲。”她不得不承认以往在处理感情问题上较冲动：“所以当时觉得要讲道理，况且（床照）都过咗去啦。以前拍拖我真系冇乜安全感，只会信自己。（有冇边段感情因为冲动而失去咗，事后觉得后悔？）冇喎！极其量只会觉得可惜，我份人好信姻缘，系你嘅始终都系你！”宣萱入行以来最令人印象深刻的恋情，相信是与张卫健拍拖两年后和平分手，而近年外界经常“拨大葵扇”，希望撮合她与古天乐成为一对，令当事人啼笑皆非。

踏入中年，宣萱依然憧憬爱情，但坦言还未遇上合适的：“我信一定会遇啱嘅，但又唔系想结婚，只系想有个伴啫。呢几年遇到啲事，改变咗我一啲睇法，好似我同一个细12岁嘅男性朋友去滑雪，又沟通得到喎，呢件事提醒咗我要先开番道门，唔好抗拒‘年下男’。其实我曾经同细过自己嘅男仔拍拖，发生咗啲唔愉快经历。” 在感情世界里，宣萱十分重视沟通，更坦言曾有朋友提醒她“钓金龟”，她豪言：“经济上我可以照顾到自己喎，最紧要思想电波连接得到，对方唔使照顾我。（掉番转呢？）如果同我沟通得到嘅，佢嘅性格一定唔会使女人钱！”她直言随着年纪渐长，双方都可能担心对方有机心：“担心你埋嚟系咪想攞嘢呢，所以要清晰自己想要乜，唔可以好似以前后生拍拖盲咗一样！依家对我嚟讲，拍拖最紧要大家开心，如果佢唔开心，净系得我开心，我真系会选择放手㗎。”

谈到今次在《巨》剧扮演医生，宣萱直言是懂性以来最梦寐以求的职业：“尤其呢个角色写得好有血有肉，我好记得自己读书时曾经因为计划行医，就去医院参观体验吓，点知第一日就见到医生喺病人嘅尾龙骨抽血淋淋嘅纱布出嚟，抽极都仲有喎，呢个时候护士问我有冇事，原来佢见到我块面青晒！于是我问自己系咪真系想读医，学费好贵唔可以半途而废，好彩我依家嘅职业可以畀我尝试一下，哈哈。” 其实今次拍摄期间发生了不少问题及阻滞，曾有在场人士“食花生”问：“宣萱几时开始闹人？”她闻言笑说：“依家我学识咗，如果唔关自己事少讲为妙，唔会冲出嚟话要帮人。之前我做咗个测试，发现自己改变咗，已经由E人变咗做I人喇！对我嚟讲，最难一直都系人际关系，撞板系必经之路，每件事都有好有唔好，遇到唔好先知乜嘢系好，但我唔会扭曲真正嘅自己，亦庆幸身边有班圈外挚友好了解我，适当时候听我呻、畀我抖吓气。”