侠医︱刘佩玥紧身衫展身段 怒掴兼扯张曦雯头发

etin

无綫热播剧《侠医》日前播出一集中，Nat（刘佩玥饰）为求借看病见为民（陈豪饰）一面，竟以淋冰水加狂吹风整病自己，可惜期间却遇着Rachel（张曦雯饰）晕倒入院，结果为民选择无视她直奔医院，令她最终踩上医院，出手掌掴兼疯狂扯Rachel头发！谈到淋冰水场口，刘佩玥受访时坦言拍摄期间的确很冷：“因为要拍好多角度同 wide shot，导演有好好安排拍摄次序，等我挨冻时间缩到最少。因为我哋拍摄嘅地方喺厂入边，所以个厕所系假嘅，冲凉间嗰个去水嘅位都系假嘅，啲冰水其实一路浸住我对脚，大家亦以最短时间去转机位，我一淋完冻水即刻攞住毛巾冲过嚟帮我，又准备咗热水畀我，所以虽然真系好冻，但有多人咁锡我，我心入边系好暖嘅。”

至于被掴场口，张曦雯透露观众见到的是重拍片段，并谓一早已与刘佩玥倾好要真掴：“因为嗰场系重拍，所以 Moon（刘佩玥）系掴咗我好多次架喇，哈哈！其实拍呢啲戏宁愿对手大大力打落嚟，一吓唔使 NG 仲好，因为唔使惊就位同反应唔够真实。我同 Moon今次合作好开心呀，因为大家咩都会好Open去倾，嗰日拍完掴戏，我哋一 Cut机又嘻嘻哈哈。”另向来身材弗爆的她，本周起不时以黑丝行政Look现身，获网民大赞拥有无敌美腿。而她亦全面放下女神包袱，因角色怀疑患了乳癌，不时忍不住“自摸”检查，就连陈豪站在附近亦毫不忌讳，相当豁出去。