罗子溢龚嘉欣人气劲 到访新加坡逼满人潮

etin

艺人罗子溢与龚嘉欣近日获邀请飞到新加坡，接连参与数个活动，现场与粉丝作近距离接触，尤其昨日两人于户外站台，吸引大批剧迷闻讯赶到现场追星，瞬间逼爆会场，尖叫声此起彼落。而为回馈大家的支持与爱戴，子溢及嘉欣即场献唱冧歌，前者更以苏永康tone献唱出《不想独自快乐》，被赞歌喉不错。而活动完结后，子溢归心似箭，赶飞机返港会妻儿，名副其实的“爱家男”。子溢事后受访，对新加坡粉丝的热情心存感动，且谓：“今次行程好丰富，除咗见粉丝外，我仲喺当地拍咗个广告。其实我已经隔咗两年冇去过新加坡，粉丝依然热情，但送嘅礼物，大多数变成玩具同蛋榚嘞，想我代佢哋拎返去畀小朋友嘛。”谈到与嘉欣的合作，子溢即感慨表示：“如果有记错，对上一次我哋系一齐拍《盛装舞步爱作战》，即系话有成17年冇喺剧集内碰过面，希望快啲有机会再斗戏啦。我哋喺新加坡都倾番好多以前嘅事，好似遇番个好耐冇见嘅朋友。”放工后两人更相约去品尝胡椒蟹，子溢再透露：“我都想同小朋友迟啲去新加坡旅行，今次身边工作人员都畀咗好多意见我，搞到我好似完成咗好多资料搜集咁。”