姚子羚整点心连环出错遭狠批 眼湿湿泛泪光

etin

艺人姚子羚在无綫节目《一日打工限定》学做点心师傅，为了打好份工，她提前一天抵达打工现场，跟曾师傅学整烧卖及炸凤爪等。翌日要凌晨四点多抵达点心工场，准备肠粉、虾饺蒸排骨、山竹牛肉及煎堆等大量点心，相当忙碌。点心师傅与子羚碰面即约法三章，指出点心师傅四大辛苦位：“又要早起身、又要够力、又污糟邋遢、又湿手湿脚架喎。”更搞笑恐吓子羚说：“最紧要记忆力，讲两次我就要问候你。”子羚未有被吓到，更“拼命三郎”上身，无论拿着一大盘虾仁，或是一大桶热粥均面不改容，甚么都肯学肯做，包烧卖的手势更获得要求严格的曾师傅认证，认真叻叻猪。子羚觉得首日开工最有趣的地方是用来量度调味料分量的秤子，甚有古装Feel：“我拍古装戏时用过呢啲调味秤。”子羚第一日备料时与曾师傅有说有笑，但去到第二日为食店正式营业前作最后冲刺时，曾师傅竟180度转变成了“训话大师”：“快少少，好多客坐咗喺度架，唔好乱嚟呀”、“呢个我唔收货”、“我睇到你我忟呀”、“呢啲你（整）架？我都唔识讲呀真系”。受到猛烈抨击的子羚，只能搞笑地多番露出“惨猪样”，兼全程睇住师傅面色做人。
学整虾饺皮时，子羚整了一大堆后依然不合格，令曾师傅发晒忟憎及勒令子羚休息：“你休息一阵先，你不停咁喺度整，系做唔到好嘢出嚟，不断盲目去整冇意思架。”虽然曾师傅算是好声好气，但子羚被训话时全程明显扁嘴兼眼湿湿，她直认很挫败：“你会觉得点解我连一只完整嘅虾饺都包唔到，师傅叫我去唞吓，其实我唔系好想去唞，我觉得个感觉有啲似我拍剧，会愈拍愈有Energy，一停咗落嚟，就会唔知自己做乜咁。”不过，子羚很快便重拾斗志埋首工作，结果成功翻盘获师傅赞赏：“第一次做，我讲真我都做唔到咁靓”。子羚谦称全靠演员需要具备模仿能力，是次学师才能薄有成绩，她说：“真系落手去做，系比你想像中难好多，每个step都冇得偷懒，当你错咗一个步骤，你就要由头做过。”曾师傅亦忍不住正评子羚谓：“喺短短嘅时间入面，你要完成咁多个点心系唔容易嘅事。”