丘梓谦首演变态奸角获赞 全靠向梁家辉作品偷师

etin

无綫剧《刑侦 12》于20号晚播出一辑中，由“葱头”丘梓谦饰演“富三代傅一鸣”和“港版孔刘”之称张松枝成为剧集亮点，网民除赞“葱头”演技大有进步，又指他够晒靓仔：“他真的在进步”、“佢做戏真系几入型入格，好有亮点，前途无限”、“葱头对眼有啲戏”、“畀林保怡盘佢同埋求张松枝都做得几好”、“愈来愈靓仔”、“葱头有几吓反眼动作好睇”、“可塑性都好高！可甜可辣”；又有网民笑言自从葱头离开《爱‧回家》后，就走上不良少年不归路，这次更“升呢”饰演变态反派，让人喜出望外。葱头接访问时，坦言一直期待演变态角色，皆因觉得“有好多玩法”，发挥空间较大，又续指为了演好录口供这种特别需要节奏掌控技巧的场面，曾丧煲同类场口恶补演技：“好似《寒战》梁家辉畀 ICAC 审问嗰场咁，本身个戏系好睇，呢啲戏其实冇乜动作，因为大家都坐喺度讲对白，但如果坐喺度讲对白都畀到人节奏嘅感觉，就会好睇。”不过葱头称自觉还有很多进步空间。
谈到与两位前辈林保怡及张松枝合作，葱头笑言与保怡合作一点也不紧张，一来为了要配合角色场口设定，二来是因保怡太好人：“同保怡哥对戏嗰场真系冇压力，一来我唔想观众觉得出戏，所以我一定要做到唔怕佢先得，咁先符合到‘富三代’嗰种有恃无恐嘅感觉。二来保怡哥超好人，我记得有日拍嘢好热同好猛太阳，保怡哥惊我晒亲，会叫我上佢架褓母车休息同埋叹冷气，又系咁同我倾偈，讲吓汽车经同埋食嘢经咁，乜都讲。”对于有网民好奇童星出身的葱头曾否跟保怡合作，葱头则笑言没有。另“港版孔刘”张松枝出场即大玩俄罗斯轮盘，令不少网民马上想起《鱿鱼游戏 2》中的孔刘玩俄罗斯轮盘的经典场面，网上顿时涌玩《鱿鱼游戏 2》回忆杀！对于张松枝的真正身份，不少网民大感好奇，有人猜测他是剧中人的分裂人格，亦有猜测他是幕后 Big Boss。网民留言：“张松枝型到！”、“老咗仲型咗”。