罗子溢想同杨茜尧夫妻档拍住上：最好暑假带埋仔女开工

etin

艺人罗子溢昨日（16日）出席《2025TVB年中节目巡礼》，他称开心今年有两套剧分别是《金式森林》及《模仿人生》，又会成为“myTV SUPER 3.0体验大使”为剧集宣传，他坦言：“男演员嚟讲有两套剧算唔错，而且两套嘅风格好唔同，《金式森林》个角色亦正亦邪，《模仿人生》就做富二代，虽然都做惯，但今次更渣男，无论性格定系法律上都更渣男，同时系一个情种，以往好风流，今次系情种，终于有人治到我，同袁咏仪合作，但唔可以透露太多住。”他透露太太杨茜尧亦有剧接洽中，预告对方有新尝试：“我都好支持，佢开工，我就留喺屋企帮手，夫妻档一齐开工仲好，最好喺暑假，可以带小朋友一齐开工，之前未试过。（担唔担心小朋友仲细会捣乱？）好彩，5岁大女好生性，3岁囝囝就差少少，有少少百厌，似我细个咁。”他又大赞太太，要兼顾演员及家长工作：“好佩服太太既要工作，又要安排活动又要入妈妈群组，同其他家长保持联络。”讲到细仔将有考学校面试，他笑言也很佩服自己：“大女面试系我带佢去，我都好佩服自己，因为合格咗，不负皇命，否则大件事。”他又忆起当初面试其他家长穿得非常正式，但自己却以T-shirt及牛仔裤上阵，幸好女儿够醒目，最终成功考入学校，为对方感自豪。